Hakha Dinti Peknak Riantuan Tu Company Pahnih Nih July 31 Hlan Ah  Liamhrulhnak Pek Ding A Caan A Sauhpiak Hna

TCP-Thantlang| July 29, 2019| Hakha khuapi dinti peknak kongah riantuan tu Company pahnih hna nih an rian an tlamtlinh lo caah Chin cozah sinah liamrulhnak tangka pek ding timi cu 2019 July 31(tu thla dih) tiang a caan an sohpiak hna i hi chungah an an pek khawh hna lo cun dan an tat cang hna lai tiah kan theih.

Hi liamhrulhnak kongah a hnu bik July 12 hlan ah Company pahnih hna nih tawlrel ding le  ngaihthiam halnak an tuah hna caah a tu bantuk in a caan an sauh piak hna hi a si.

“Theihternak ca kan rak kuat cang hna. 2019 July 12 hlan ah ngaithiamhalnak nan rak tuah lai, nan tuah lo ahcun tazacuai ding kan rak ti hna. Cucaah Company pahnih hna nih ngeihthiam hal nak an kan tuah caah a hnu bik 2019 July 31 ah liamhrulh dih ding in kan ti hna hi a si.” tiah Sipin vuanci U Soe Thet nih a chim.

Hakha dinti peknak ding ah rian a tuantu Company pahnih hna cu 2016 kum in 2019 June thla tiang a caan chungah rian an dih lo caah  rian hnut man (ks.73854 751.80) pin ah le tangka lei cazin chek tu hna nih tangka a chanbau nak an hmuhchuah ning ah riantuan tu Company pahnih hna nih (ks. 227.763) cu a hnubik July 31 ah liamhrulh nak Chin cozah sin ah an pek hna lai tiah kan theih. (Ref: Democracy Today)

Leave a Commnet

%d bloggers like this: