Hakha Khrihfabu Kip Quarter Final A Kaimi Phu 8 Le An Chuih Ding Timetable
City Hunter| 2018 June 2| May 22 in thawkmi Hakha Khrihfabu kip (Town Churches) pumululh chuih zuamnak cu June ah MBC cu Calvary nih 2-1 in an tei hna. Cun Grace cu Chuncung nih 1-0 in an tei hna caah group chuih cu June 2 ah an i lim cang. Quarter final chuih ding ah phu 8 an kai. Cu phu 8 an chuih dingmi timetable cu a tanglei bantuk in a si.
Quarter final cu; June 4, suimilam 1:00pm ah Free Methodist Church (FMC) le Roman Catholic (RC) an chuih lai. Suimilam 3:00pm ah UPC le Chuncung an chuih lai.
June 5, suimilam 1:00pm ah Senthang Baptist Church (SBC) le Believer Myanmar Church (BCM) an chuih lai. Cun, suimilam 3:00pm ah Calvary le Gospel an chuih lai.
Semi final cu June 7 ah an chuih lai i final cu June 9, suimilam 2:00pm ah an chuih te lai.
Tutan pumpululh chuih ah aa tel khomi zapi phu 15 an si. Hakha Town Churches Pumpuluh zuamnak cu Chin ramkulh zaanglekcelhnak zung nih bawmhnak pek asi i khrifabu a chuakmi paoh singkhat (ks. 100,000) cio bawmhnak pek a si. Hi pumpululh chuih zuamnak cu Chin ramkulh zaanglekcelhnak zung nih ks. sing 40 hrawng dih in tuah an timh i pakhatnak laksawng ah ks. sing 5, pahnihnak laksawng ah ks. sing 3 a si lai i pathumnak tu cu laksawng pek a um lai lo tiah kan theih.
Avoi 1nak Town Churches pumpuluh chuih zuamnak cu Free Methodist nih pakhatnak le Zion nih pahnih an rak ngah. Avio 1nak Town Churches pumpululh chuih zuamnak ah phu 21 an rak chuih kho. Avoi 1nak cu Chin ramkulh minister hlun Salai Isaac Khen bawmhnak in rak tuah a si.
About The Author
