Hakha Khua, Hakha Thar Sang, Lam 6 Tonnak Ah Kahdohnak Chikhat A Chuak
The Chinland Post | 2023 November 6 — Chin ramkulh, Hakha khua, Hakha in Kalay lei kalnak lam, lam 6 tonnak ah ralkap le pelek nih hmunhma a khuarnak gate cu CNA nih an kah hna tiah thawngpang theih a si.
November 6 zinglei ah kahdohnak aa thawk hi a si tiah min langhter a duh lo mi Hakha khuami pakhat nih a chim.
“Zinglei ah tuan tein ka tho lengmang i ka thawh hnu 6:25am hrawng ah meithal puah thawng aa thawk. Voi 15/16 hrawng a puah hnu ah a dai ṭhan, sml cheu hrawng a rau, kahdohnak ruang ah a pawngkam inn a rawk mi cu a um hraw lo” tiah The Chinland Post ah a chim.
Cuka hmun, lam 6 tonnak ah hmunhma a khuar mi ralkap le palek pawl nih mawṭaw in thil a phor mi pawl kha tangka an hal lengmang hna i cycle in datsi a phor mi pawl khi 10,000MMK hrawng an hal tawn hna tiah thawng theih a si.
About The Author
