Nihin Myanmar Ram Chung Kahdohnak Puanzar Phen Ah Tuluk A Um Ko Tiah General Zaw Min Tun Nih A Chim
The Chinlandpost | November 6, 2023 — Shanram chaklei ah unau hawikom phu 3 nih an tuah cuahmah mi Operation ah Myanmar ram hunhimnak ah kan thazang dihlak chuah in kan ram kan kilven lai tiah SAC biachimnak nawlngei General Zaw Min Tun nih a chim.
Shan ram chaklei kahnak ah SAC lei nih lak mi drone ah Tuluk ca in tial mi bom thei pawl hmuh a si i tutan kahdohnak puanzar phen hnu lei ah Tuluk tel in cawlcanghnak a tuah mi a um. Myanmar –Tuluk ram cozah le mipi hna karlak ah pakhat le khat i hmuh thiam lo ding le lunghring ding mi thil pawl kan hmuh tiah Zaw Min Tun nih a chim tiah One News Myanmar nih a ṭial.
Tuluk nih kahdohnak ah kan bawm sehlaw cu Naypyitaw zong kan kah lai i kan lak cang hnga i namneh a tong mi tlangcung miphun hna luatnak lam kan ser hnga tiah AA ralkap Major General Tun Mrat Naing nih Chin Cable Network bia halnak ah a rak chim bal ve.