Kalay peng chaklei ah SAC ralkap an kah hna, mipi inn SAC ralkap nih an khangh

0

The Chinland Post | 2022 December 15 – Kalay peng chaklei, Nanchaung khua ah a rak lut mi SAC ralkap pawl cu mipi hriamtlai phufonh nih ni 2 chung ah kah hna i a sung deuh mi SAC ralkap pawl nih mipi inn 29 an khangh tiah theih a si.

Thazang 70 hrawng SAC ralkap pawl cu Nanchaung khua ah December 12 ah an lut i hmunhma an khuar. Cu SAC ralkap pawl cu PDF-Kalay, CDF-KKG phufonh nih bomrap an puah hnawh hna i kahdohnak a chuak. Kahdohnak chung ah SAC ralkap 4 nak tlawm lo an thi tiah PDF-Kalay nih cathanh a chuah.

SAC ralkap pawl nih an kir pah in mipi inn 29 an khangh tiah PDF-Kalay biachimnak nawl a ngeitu sin in thawng theih a si.

December 12 i bomrap puah hnawh hna lio ah bomrap can sualnak a chuak i PDF-Kalay bomrap phu 2 an i hliam tiah an thanh.

Nanchaung khua cu SAC ralkap nih voi tampi an khangh caah khuami hna an zaam lio a si rih tiah thawng kan theih.

About The Author

Na ruahning rak langhter ve.. (Leave a comment)

%d bloggers like this: