Hakha khua USDP zungpi a kaang

The Chinland Post | 2022 October 3 – Chin ramkulh, Chin Oo Si sang ah a ummi USDP zung cu October 2 zaanṭim ah a kaang.

“Zaanṭim ah a kaang. An kanghmi ma a si cu kan thei lo” tiah khuami pakhat nih The Chinland Post ah a chim.

USDP zungpi a kanghnak kong he pehtlai in zeihmanh ṭha tein thawng fiang theih a si lo, Hakha khua ah SAC ralkap nih hmunkip ah himnak an lak.

“October 3 zaanlei 6:00pm tiang hrawng zong No. 4 B.E.H.S hmai zong ah a mui deng cang nain hmunhma an rak la rih ko” tiah khuami pakhat nih The Chinland Post ah a chim.

A luancia August 31 zinglei zong ah Hakha khua, Pyidawta sang ah a ummi Sakremhnak zung a rak kaang i Engineer telh in rianṭuantu 9 an rak tlau.

Na ruahning rak langhter ve.. (Leave a comment)

%d bloggers like this: