Hakha khuachung dawr pawl ah mah tein CCTV i bunh uh tiah Sipin nih ca a chuah
The Chinland Post | 2022 August 1 – Chin ramkulh, Hakha khuachung dawr pawl ah August 31 a hnubik riikhiah in CCTV bunh dih ding in Peng Sipin zung nih July 26 ah ca a chuah.
Peng Sipin zung cathanh chungah atulio Myanmar buainak kha caan ṭha ah hmang in mi ṭha lo pawl nih khuapi chung thil mansung zuarnak dawr pawl kha an bauh i thil an fir tawn caah Hakha khuachung rianngeitu hna nih cubantuk thil pawl khamnak ding caah rianṭuannak le rianṭuantu himnak caah August 31 a hnubik riikhiah in CCTV pawl mah tein i bunh ding le bunh dih cang a sinak thilsinning pawl kong zungah hmanthlak te he report pek ding a si.
Rianṭuantu hna nih CCTV bunhnak le phorhnak kong ah harnak a um a si ahcun zung ah chimh a si lai i zung nih CCTV bunhnak he aa pehtlai mi adang zung pawl he bawm in tuah piak a si lai tiah a langhter.
Nelrawn lei ahcun dawr thil firpiaknak a um tawn nain Chin ramkulh ahcun atutiang cubantuk thil cu a um rih lo.
About The Author
