Hakha Le Thantlang Peng Laica Chimhtu 202 Ramkomh Cozah Nih Rian A Pek Hna Lai
Salai CungCung|2019 May 2| Hakha le Thantlang peng Laica chimhtu ding minung 600 chung ah minung 202 cu ramkoh cozah nih rian an pek hna lai tiah kan theih.
“Hakha peng in minung 115 le Thantlang peng in minung 87 hi ramkomh cozah lei nih rian a kan pekpiak lai ti kan zumh. Laica chimtu ding ah ramkomh cozah lei nih zeitik in dah rian an pek hna lai ti cu a fiang rih lo. Ramkomh cozah nih tahfung an ngei i cu a tlingmi paoh nih an ngah te ko lai. Cozah sianginn ah zaanghleicawi (loh-aa-pe) in a tuanmi, Chinca le Nunphung committee nih hngalhpimi catlap pekmi le a tlawmbik taang 9 awng tibantuk mark peknak an ngei i cu chung ah tha bik kha an thim hna. Hakha peng le Thantlang peng in a tam deuh a sokmi cu form a tlamtling lomi an tam” tiah Pastor Lai Cung nih The Chinland Post ah a chim.
“Thantlang le Hakha peng chung Laica chimh a soktu tamdeuh cu taang awng an 9 an si. Hi rian a hmu ding mi cu cozah sianginn ah teaching assistance an si lai. Cozah riantuan pawl bantuk in cun a si lai lo, nihlawh pek mi bantuk in an si lai. Hi chung in Taang 10 a awng mi cu hmailei ah cozah riantuantu dirhmun ah an chiah hna lai” tiah a chim chap.
Hi bantuk in rian a sokmi cu kawlram chung ah minung 18000 leng an si. Hakha peng in minung 260 le Thantlang peng in minung 340 nih an sok tiah kan theih.
About The Author
