Hakha Market Sak Ngoltermi Cu Cozah Nih A Thar In An Sak Than Lai

Salai Ngun San Aung| 2018 March 8| Hakha Myoma Sipin thil zuarn nak inn pi cu Design Excel Development Company nih an sak i an sakning a that lo caah ramkulh cozah le hluttaw nih rian an dinh ter hna hnu ah anmah cu sakter ti loin Baho Sohlohyee nih tlangtlak in sak ding timhtuah a si tiah kan theih.

Hi kong ah upa pakhat nih, “an sak ning a that lo caah kan ngol ter hna. Chief Minister le a dang zong nih anmah (DEDC) tuanter cu an duh ti lo. Sipin Minister Salai Isaac Khen tu nih cun anmah tuanter than cu a duh ko nain” tiah a chim.

 

Hi Marker saknak ahhin MMK Sing 9000 tluk hman timh a si i tu a tuanmi Design Excel Development Company cu Sipin minister nih rian a pek mi hna a si tiah kan theih. Tutiang an tuan cia mi ah khin sing 700 fai dih dawh an si cang caah anmah kha a thar in tuanter than zong cu a duh mi an um i tangka khirh le khirh lo kong zongah ruahnak an i dang pah.

Hluttaw Speaker Pu Zo Bawi nih cun, “tangka hi khirh ti ding an si lo a ti mi zong an um. Asinain inn hmun an cawhnak le lung an rualnak man tal cu hei khirh awk zong an si ko ka ti. A sak tu hi cu anmah cu sak ter ti lo ding kan ti. Baho Sohlohyee nih an sak lai i Sohlohyee CE le Hluttaw Yeeyar Committee lei nih Lam lei Minister hluan Pu Ngun San Aung nih an tel pi hna lai. Mizapi le dawr ngei pawl zong an hmai khah silo. Kan sunghmi hrim a tam tuk” tiah a chim.

 

Hi market saknak tender a ngahtu Design Excel Development Company hi cozah sipin he contract sign timi rian tuan ning hnatlak zong minthut zong an tuah lo tiah theih a si. Cu bantuk riantuan ding ningcang hnatlaknak cahren um loin rian zeitin an awt khawh timi bel cu rian a petu hna Sipin Minister nih a hngalh awk khi a si. Sipin minister cu khual a tlawn lio a si caah kan pehtlai kho lo.+++

Na ruahning rak langhter ve.. (Leave a comment)

%d bloggers like this: