Hakha Market Sak Than A Timhnak Le Company Limhang Zorternak Bia Chim Lo Ding In Thawngthanhnak An Tuah

City Hunter| 2018 March 16| Pyidawtha sang ah sakmi Hakha Market pi cu a sakmi a that lo ruang ah ti in tuanvo ngeitu cozah nih a sakciami foundation vialte an hrawhter than dih. Cuti an hrawhter cuahmah lio ah cozah nih lei nih zeihmanh tong ti hlah uh tiah nawl an chuah i thlakhat chung tluk market sak rian cu ngol a si. Market a satu Design Excel Development Company nih March 16 ah Chinram cozah he ceihmainak ngeih in sak than a timhnak le hi company limhang zorternak le thlanglamhnak tibantuk mi zei hmanh nih chimrel ti lo ding in mizapi sin ah thawngthanhnak an tuah. Cuti thawngthanhnak an tuahmi cu hika ah Laica he Kawlca he rel khawh an si.

Zapi Theih Ding In Thawngthanhnak

Yangon ramthen, Lanmadaw peng lam no. 8, inn no. 87, dot thumnak ah a um mi U Nay Lynn Htun hmatpungtin no. 12/Yahpahtah (N) 046881 (Design Excel Development Co.,Ltd) Managing Director nih fialmi ning bantuk in a tanglei thil hi mizapi sinah kan in theihter hna.

Ka hawikom U Nay Lynn Htun nih Hakha Pyidawtha Market inn pi sak ding in (2017 August 30) ah Tender mumai le zulhphung ning tein tender a rak hmuh. Cu ti tender a hmuh hnu in Market inn cu dot hnih le cheu in sak ding ah caan kar lak thil zuar pawl um nak inn (2017 September 25) ah sak nak rian le Market inn hlun (2017 October 18) ah thehnak cu cunglei nawl pek ning tein a tuan. Cu ti rian a tuan cuahmah lio ah Chin ramkulh Sipin zung tuanvo ngei tu nih market inn cu dot thum in sak than ding in a ti caah inn muisam (design) a thar in a suai nolh i sak ding in timhtuahnak le hnatlaknak zong ngeih dih a si cang. Ka hawikom U Nay Lynn Htun Company nih market inn a sak lio ah nifatin te cozah lei in tuanvo ngeitu zong nih zoh le hlathlai zungzal a si.

Asinain ka hawipa Company nih Foundation a cawh mi a lim deng hnu ah Foundation nan tuahmi a tlamtling lo tiin sipin nih chikkhat rian ngol ding in an ti hna hnu ah an tuan cia mi cu hrawh ding in an chimh hna caah an hrawh. Asinain an hrawhmi zong cu an lim dengmang hnu ah hrawk ti rih hlah uh an ti hoi hna caah tu hi rian cu ngol chung a si.

Cuti a si caah ka hawipa U Nay Lynn Htun company nih Pyidawtha Market inn a sak mi kong he pehtlai in rian in hmuh ding mi hlawknak tuak lo tein Chin ramkulh cozah he kap hnih ceihruahnak ngei in a tlamtlin tikah upadi ning tein a tha bik in sak than ding a si nak kong le ka hawipa U Nay Lynn Htun pumpak siseh, company siseh limhang zorternak thil tuah, bia chim le ca tial tibantuk a tuahmi paoh cu pumpak an si ah mibu an si ah taza kan cuai hna lai tiah thawng kan in thanh hna.

Rian a fialtu
U Nay Lynn Htun
12/YPT (N) 046881

Fialmi ning in,
U Aye Chit (LLB)
Taya Hluttaw Sihni (no-9958)

Hika ah Kawlca in mizapi sin ah theihternak an thanhmi cu a si.

 

 

Na ruahning rak langhter ve.. (Leave a comment)

%d bloggers like this: