Hakha Town Churches Pumpululh Chuih Zuamnak An Thawk; Hniarlawn Cu Free Methodist Nih 8-1 In An Tei Hna

Salai Cung Cun|2018 May 22| Hakha Town Churches pumpuluh chuih zuamnak cu phu 15 in May 22 suimilam 2pm in hunnak le lentecelhnak an thawk cang. Khirfabu kip a chuak khomi Chuncung, Hniarlawn le UPC Olive telh in phu 15 an chuak kho i hunnak tuah ni ah Free Methodist le Hniarlawn an chuih hmasa bik. Hniarlawn cu Free Methodist (FMC) nih 8-1 in an tei hna tiah kan theih.

Tukum Hakha Town Churches pumpuluh chuih zuamnak ah groups pa 4 in an then hna; Cu hna cu;
Groups (A) ah; FMC, BCM, Oliver UPC, Hniarlawn
Groups (B) ah; Gospel, UPC, AG, MEC,
Groups (C) ah; CJC, RC, SBC
Groups (D) ah Grace, Chunchung, Calvary, MBC an si.

Photo: The Chinland Post

Pumpuluh chuih zuamnak a caan cu 22.5.2018 suimilam 3pm ah FMC le Hniarlawn,
23.5.2018 suimilam 1pm ah Gospel le MEC, suimilam 3pm ah Grace le MBC,
24.5.2018 suimilam 1pm ah UPC le AG, suimilam 3pm ah BCM le Oliver UPC,
25.5.2018 suimilam 1pm ah RC le SBC, suimilam 3pm ah Chuncung le Calvary,
26.5.2018 suimilam 1pm ah FMC le Olive UPC, suimilam 3pm ah Gospel le AG,
28.5.2018 suimilam 1pm ah CJC le SBC, suimilam 3pm ah Grace le Calvary,
29.5.2018 suimilam 1pm ah MEC le UPC, suimilam 3pm ah Hniarlawn le BCM,
30.5.2018 suimilam 1pm ah MBC le Chuncung, suimilam 3pm ah RC le CJC,
31.5.2018 suimilam 1pm ah UPC le Gospel, suimilam 3pm ah BCM le FMC,
1.6.2018 suimilam 1pm ah AG le MEC, suimilam 3pm ah Olive UPC le Hniarlawn,
2.6.2018 suimilam 1pm ah Calvary le MBC, suimilam 3pm ah Chuncung le Grace an chuih lai.

Quarter final cu 2.6.2018 suimilam 1pm ah Groups (A) pakhatnak le Groups (C) pahnihnkak an chuih lai, suimilam 3pm ah Groups (B) pakhatnak le Groups (D) pahnihnak an chuih lai.
5.6.2018 suimilam 1pm ah Groups (C) pakhatnak le Groups (A) pahnihnak, suimilam 3pm ah Groups (D) pakhatnak le Groups (B)pahnihnak an chuih lai. Semi final cu 7.6.2018 ah an chuih lai i final cu 9.6.2018 suimilam 2:00pm ah an chuih lai.

Hakha Town Churches Pumpuluh zuamnak cu Chin ramkulh zaanglekcelhnak zung nih bawmhnak pek asi i khrifabu a chuakmi paoh singkhat (ks. 100,000) cio bawmhnak pek a si. Hi pumpululh chuih zuamnak cu Chin ramkulh zaanglekcelhnak zung nih ks. sing 40 hrawng dih in tuah an timh i pakhatnak laksawng ah ks. sing 5, pahnihnak laksawng ah ks. sing 3 a si lai i pathumnak tu cu laksawng pek a um lai lo tiah kan theih.

Nikum ah Free Methodist nih pakhatnak laksawng an laak lio

Avoi 1nak Town Churches pumpuluh chuih zuamnak cu Free Methodist nih pakhatnak le Zion nih pahnih an rak ngah. Avio 1nak Town Churches pumpululh chuih zuamnak ah phu 21 an rak chuih kho. Avoi 1nak cu Chin ramkulh minister hlun Salai Isaac Khen bawmhnak in rak tuah a si. Tukum avoi 2nak a chuihtu phu an tlawm deuhnak cu HBA member chungtel khrihfabu tamdeuh an chuih lo caah a si. Nikum ah Vomtumaung certual an rak hlan hna i an rak hlanh duh hna lo caah hmaikum lei cu cozah nih a tuahmi pumpululh chuih zuamnak ah HBA ramchung khrihfabu paoh i tel ti lo ding in biakhiahnak an rak ngeih ruang ah a si tiah kan theih.

Na ruahning rak langhter ve.. (Leave a comment)

%d bloggers like this: