Hinthada Pengkomh Thla 2 Chung Ah Kahdohnak Voi 8 A Chuak, SAC Lei 30 Hrawng An Thi
The Chinland Post | 2023 October 12 — Irrawaddy ramṭhen, Hinthada pengkomh chung, July le August thla ah kahdohnak voi 8 a chuak i SAC lei 30 hrawng an thi tiah Hinthada pengkomh PDF B01 nih an thanh.
A luancia July 19 zaan in August thla chung kahdohnak dirhmun kha October 11 ah an thanh hi a si.
Rakhine Yoma he aa pehtlaihnak Kyankhin peng ni tlaklei ramlak pawl ah thazang tampi in kahdohnak a tuah mi SAC ralkap pawl le PDF pawl karlak ah kahdohnak a chuah hi a si.
Kahdohnak pawl chung ah SAC ralkap lei 30 hrawng an thih leng ah Second Battalion Commander pakhat fak ngai in aa hliam tiah an thanh.
Cun SAC ralkap pawl hman mi MA-1 zuun 1 le kuan cheukhat pawl an lak khawh i hliam a tuar mi S.B.C cu a kut a bul leng ah a mit zong aa hliam tiah theih a si.
Kahdohnak chung ah PDF lei in kahdohnak thilri cheukhat an sung ve i Drone phu hruaitu Zwai Man, Linn Yone le Aa Thit hna nih ram le miphun caah an nunnak an pek ve tiah an thanh.
About The Author
