Hmawngtlang Khua Ah Inn A Kang

Salai Elvis| 2018 March 17| Thantlang peng Hmawngtlang khua ah March 15 zan suimilam 1:30 tluk ah inn pakhat a kang ti thawng kan theih. Hi inn a kanghnak ah hin minung le satil hliamhma tuar mi an um lo.

 

Hi inn cu zan suimilam 1:30 tluk ah tappi mei in aa thok. Mah zan ah inn ngeitu Pu Hram Ling aa hnilh lio ah a fapa Kam Za Thang zantim ah inn a tin lei ah inn kang mi cu a hmuh tikah an pafa in an au i mei cu mizapi i bawm in an phalh i zan suimilam 2:00 ah a dai. Hi inn cu thing inn dot khat a si i pe 24×14 a san pe 10 a si. Inn kangh cu Thantlang palek le meithahnak zung nih a hmun ah kal in zohfelnak an ngeih hnu ah an sunghmi zapi ks. 250,000 a si tiah palek zung record ca ning in kan theih.

 

Inn ngeitu cu upadi pohmah 285 ningin tazacuai a si. โ€œinn ngeitu hi aa-ma-khan kan pek chung rih hmaizarh chungah inn ngeitu cu biaceih ding a si lai.โ€ tiah sakhan hmu Pu Thang Cin nih TCP ah a chim.

2018 kum Thantlang peng chungah avoi khathatnak inn kanghnak a si. 2017 kum zongah Thantlang peng Tlangkhua ah inn pakhat a kang bal cang tiah theih a si.+++

Na ruahning rak langhter ve.. (Leave a comment)

%d bloggers like this: