Hmun Chuhmi Ekah 600 Renglo Vice President Henry Van Thio Nih Lothlotu Sin Ah A Ap Than Hna

City Hunter| 2018 March 15| Runvennak vuanci zung nih cozah sin ah an apmi vawlei hmunchuhmi ekah 1969 chung in ekah 600 renglo cu Myanmar ram Vice President Henry Van Thio nih March 14 ahkhan hmunngei lothlotu kut ah a ap than hna. Hi vawlei hmun ap pekchanhnak cu March 14, Shan ramkulh- Taunggyi khuapi hall ah an tuah.

A biapi cu ralkap nih chuhmi vawlei hmun Yatsoh peng le Phekhung peng lei ekah pawl kha pungsan-3 (temporary) caan karlak lothlawh le ngeihnak covo he a ap hna hi a si.

Ralkap nih an chuhmi vawlei hmun pawl cu lothlotu pawl nih cinthlaknak caah mante in nan hman lai tiah Vice President Henry Van Thio nihcun a forhfial hna.

loram hmun chuhmi lothlotu hna sin vawlei hmun pek apnak tuah lio

“Nihin ah phunglut te in vawlei hmun ngeihnak le tuahnak covo a ngahmi lothlotu hna nih nanmah khuaram mizapi nih an duhmi facang phun pin ah ramdang kuat awk caah a quality thami facang phun pawl thim in cin khawh i zuam uh. Rampi thatnak, mizapi thatnak hmuitinh in cinthlaknak rian karhchoter caah cinthlaknak lei he aa pehtlaimi bu hna nih vawlei hmun nan chuhmi hna thlah le pek ding zong kan zuampiak uh. Chuhmi vawlei hmun a tingco thanmi lothlotu hna zong nih nan vawlei hmun kha man ngeite in cinthlak khawh i zuam hrimhrim uh” tiah Vice President Henry Van Thio nihcun hmun chuhmi pek ap thannak tuah lio ah a chim.

March 14 ah vawlei hmun pek ap thannak ah Yatsoh peng, Entaw khua, Nankaung khuakomh in No.353 ralkap battalion nih ekah 376, Phekhung peng Moebe khuakomh i ralkap battalion No.422 in ekah 377.71 pin ah vawlei hmun ekah 246.48 tel in vawlei hmun chuhmi vialte Vice President nih lo ngeitu, hmun ngeitu pawl sin ah a pekchanh than dih hna.

Myanmar ramchung, vawlei hmun kongkau vialte hi Vice President Henry Van Thio nih a tlaihmi rian le a tawlrelmi a tuanvo a si.
Ref: DVB Burmese

Na ruahning rak langhter ve.. (Leave a comment)

%d bloggers like this: