Nikhat Chung Kalay Peng Khuahnih Ah Inn Kanghnak A Chuak Veve

0

City Hunter| 2018 March 14| Kalay peng chung khuahnih ah March 12 chun, nikhat chung veve ah inn an kaang. Cu khua pahnih cu Kalay in khan 14 aa hlatmi Natchaung khua le Kalay in khan 16 aa hlatmi Nanbahu khua an si tiah kan theih.

Kalay in khan 12 aa hlatnak Natchuang i inn a kangh hi March 12 ni suimilam 2 hrawng ah a si. Inn ngeitu pitar nih tisa a chuanmi a hngilhtak nakin innkangh aa thawknak cu a si. Cu meikaangmi nihcun inn pahnih le motor cycle tuahnak hmun inn pakhat le motor cycle ser liomi 10 a kaang chih.

Kalay in khan 16 aa hlatnak, Sakhangyi khuataw pawng ah a ummi Nanbahu khua March 12, suimilam 4:00 hrawng ah a kaang ve. Dawrchung i datsi an rawnnak in kangh hram aa thawk ve. Datsi dawr pakhat le inn pakhat a kaang ve. Hi inn kangh ruang ah Natchaung khuami Daw Nyi Nyi le Nanbahu khuami Daw Si Si Lwin cu dantat ding in Kalay palek phu nih chekfelnak an tuah cuahmah hna tiah theih a si.
Ref: DVB

About The Author

Na ruahning rak langhter ve.. (Leave a comment)

%d bloggers like this: