Hnaringkhua Khuapi Sinak Pek Hnu In Inn 100 Tluk An Karh Cang

0

Salai Elvis| 2018 April 30| Thantlang peng Hnaring khua khuapi (myo) pek a si Febuary 5 in tukar thlali chung ah inn thar 100 tluk an karh cang tiah thawng kan theih.

Atu bantuk in Hnaring khua ah inn tung a karhnak hi khuadang kawlrawn um Hnaring khua mi a si i a rak kir than mi hna, khua chingchan in a rak i thial mi deuh le khuachung um mi inn dang chuak mi deuh an si tiah theih a si.

Hnaring Myo

“Khuapi sinak kan hmuh hnu in inn tung 100 tluk a karh i mithar aa chap mi tu cu za an tling deuh lo. Hi chungah kan khuami a si i Kawlrawn, Kalay peng TannBo, Gyia-inn lei in a rak kir mi, cun khua chingchan a si mi Mara, Khuahrang, SaTe le Thangaw lei zong in a ra mi an um. Mah chung ah a tambik cu khuachung in inn dang a chuak mi deuh an si” tiah Hnaring khuanu/pa pakhat a si mi Pu Bawi Hre nih TCP ah a chim.

Hnaring khua cu khuapi an si bantuk in inn le minung an karh caah dinti le mei kongah lung rethei in an um. Mei zong an hmuh rih lo caah Solar an hmang hna. Dinti an lak mi zong zarhkhat ah voi hnih tluk lawng a rat caah khuami cheukhat an i za lo.

Hnaring Myo pekmi Vice President Henry Van Thio nih hunnak a tuah lio

Khuapi sinak thlali tluk a rau cang nain cozah zung hi meithahnak zung pakhat lawng a um rih. Teih-ne sii-inn zong an sak lio pi a si i June thla chungah hunnak tuah dingin timhtuahnak an ngei. An khua cu sangthen pahnih ah then a si i market sa thahnak hmun khat a um. An khua chungah pehtlaihnak Phone MPT le Telenor an hmang kho.

Hnaring khuapi cu rampi cozah nih 2017 August 17 ni ah khuapi sinak phungning in rak pek dingin timh tuah nak ngeih a si i 2017 September 13 sa-a-hmat (116/ 2017) ning in khuapi sinak tling an pek mi a si. 2017 February 5 ah Vice President Pu Henry Van Thio nih hunnak zong a tuah pi hna tiah theih a si.

Hnaring Myo pekmi Vice President Van Thio le tuanvo ngeitu upa hna nih hunnak tuah lio

About The Author

Na ruahning rak langhter ve.. (Leave a comment)

%d bloggers like this: