May 7 Ah Hakha Innhmun Samhmi A Ngahtu Pawl Pungsan 105-106 An Chuahpiak Cang Hna Lai

Salai Ngun San Aung| 2018 April 30|ย Chin ramkulh khuahlipi Hakha ah ekah 100 sangthar an samhmi chungah inn hmun a ngahmi pawl kha May 7, Cawn Ninga in vawlei hmun peknak nawl, pungsan 105-106 chuahpiak an si cang lai tiah Sipin Committee sin in kan theih.

โ€œMay 7 in vawlei peknak nawl le pungsan 105-106 chuahpiak kan thawk cang hna lai. Pungsan 105-106 an rak lak tikah innhmun pakhat ah sing nga (500,000MMK) cio rak i put ding a si lai. Cun innhmun a ngahmi pawl nih an zulhding thil pali a um.
(1) Pungsan 105-106 chuahpiak ni (May 7) thawk in thlaruk chung ah a fek i khuapi muisam he aa tlakmi inn an sak hrimhrim lai.
(2) Cun hi vawlei hmun hi kum 10 chung ah zuar, license kha midang min thlen tibantuk tuah bak lo ding a si lai.
(3) Inn an sak dih hnu in gram (vawlei ngeihnak nawl) cu chuahpiak an si te lai.
(4) A cunglei phungphai hi ka zulh lo ahcun vawleihmun hi chuh than ka si lai tiah biakamnak min ka thut tiin minthutnak a um lai. Pungsan 105-106 an ngah sin tein Sipin sinah inn saknak nawl an hal lai i sak khawh colh a si laiโ€ tiah sangthar samnak ah Sipin committee in tuanvo ngei Pu Ngun Vung nih The Chinland Post ah a chim.

Hakha innhmun thar samhmi

Sangthar samhmi chung ahhin Sipin tangka sing 1400 dih in lam an cawh i sing 1600 dih in luti luannak an tuah. Yee-pun 35 tuah ding a um rih. Cu Yee-pun cu inn hmun a ngahtu nih 500,000 MMK cio an pek mi khan tuah a si lai. Hi nih hin a dihlak a daih lo kho men, sihmanhsehlaw a zat vial kan tuah lai tiah sipin committee nih an chim chap.

Sangthar samhmi innhmun ekah 100 chung ahhin min aa thuat sualmi le a tlamtling lo mi tete zong an um. Cu hna zong cu lungretheih awk an si lo, innhmun tlawmpal te kan chiahmi a um i cucu ningcang loin a dangdang hman siloin tu bantuk min aa thuat sualmi tibantuk pawl pek awk caah a si tiah Sipin tuanvo ngeitu sin in kan theih.

Cun inn saknak thing kong ah mizapi lung rethei in an um tiah kan theih. Asinain hi kong ah Sipin Committee nih thing tibantuk kha bawmh khawhmi zeihmanh a um lai lo nain mah inn saknak ca te ah thing-ah a phur mi kha thingram zohkhenhnak zung (tittaw) nih an tlaih hna, thong tlak ding tibantuk an si ahcun cozah zong nih zoh sawh lo tein a herh ning in tlangtlak a timh ko hna tiah kan theih. Amahbelte sangthar samhmi chung ah innhmun a ngahmi nih innsaknak thing-ah phurh an duh tikah felfai tein thingram zohkhenhnak ah halnak ca an tial a herh lai tiah kan theih.

Na ruahning rak langhter ve.. (Leave a comment)

%d bloggers like this: