Hpa An Ah A Um Mi SAC Infantry Headquarters cu 107MM In An Kah Caah SAC Ralkap 2 An Thi
The Chinland Post | 2023 June 29 — Karen ram, Hpa An khua ah a um mi SAC ralkap No. 22 Infantry Headquarters cu 107MM in an kah i SAC ralkap 2 an thi tiah Hpa An Guerrilla Force nih cathanh an chuah.
June 28 chun sml 1:09pm hrawng ah Hpa An khua ah a um i ralkap nih sml 24 chung ṭha tein himnak an laknak hmun a si mi SAC Infantry 22 Headquarters cu 107MM in voikhat an kah. Chun sml 1:38pm hrawng ah bom an tarh mi mawṭaw hme in an puah hnawh ṭhan hna caah a chung ah himnak a la mi SAC ralkap 2 an thi tiah theih a si.
Cu SAC Infantry 22 Headquarters cu Hpa An peng chung ah rem tein hmunhma an khuarnak a si i sml 24 chung ralkap pawl nih ṭha tein himnak an laknak hmun a si caah Hpa An Guerrilla Force nih khuachung Operation in bom an puah khawh mi hi Mission tlamtlinh pakhat a si tiah an langhter.
About The Author
