Kyungeik Hlei A Rak Zoh Mi SAC Ralkap le Zung Upa Pawl An Kah Hna,Colonel Telh In 6 An I Hliam, Captain 1 A Thi
The Chinland Post | 2023 June 29 — Mon ram, Thaton peng le Bilin peng karlak, Shwepya khuate pawng ah a um mi Kyungeik hlei cu PDF pawl nih bom an puah caah a rawk dih. Cu hlei a rawk mi zohfelnak tuah ding in a rak phan mi SAC ralkap le zung upa pawl cu an kah hna caah SAC lei Colonel, Lt. Colonel telh in ralbawi 6 an i hliam i Captain 1 a thi kho tiah thawng theih a si.
Tu zing sml 4:00am hrawng ah bomrap an puah hnawh i a rawk mi Kyungeik hlei cu zinglei sml 7:50am hrawng ah SAC ralkap le zung upa pawl nih an rak zoh lio ah an kah hna i SAC kuttang zung rianṭuantu 1 a thi, SAC lei Colonel, Lt. Colonel telh in ralbawi 6 an i hliam i Captain 1 a thi kho tiah Khit Thit nih a langhter.
Cu leng ah GAD zung rianṭuantu, le meithat pawl an zapi 26 an i hliam tiah theih a si.
About The Author
