June 21, 2024

Sagaing Peng Kahdohnak Ah PDF Chungtel 14 An Nunnak A Liam

0

The Chinland Post | 2023 June 29 — Sagaing ramṭhen, Sagaing peng, Sinkaitalaing khuate lei ah a rak lut mi SAC ralkap pawl doh ding in PDF chungtel pawl an kal lio ah an i relh lo nak hmun in SAC ralkap pawl nih an rak kah hna caah PDF chungtel 14 an nunnak a liam tiah Sagaing pengkomh B03 sin in thawng theih a si.

June 28 ah Minkwin lei in a rak kai mi SAC ralkap pawl cu Ohphu khuate ah an i din i Sinkaitalaing khuate lei ah lut ṭhan ding in an i thawh caah Sagaing pengkomh PDF B03 le B01 nih a thli te kah ding in an va kal hnawh hna lio ah SAC ralkap pawl nih an rak bawh hna i an i relh lo kar ah an kah hna, PDF chungtel 14 an nunnak a liam bantuk in hriam tampi zong an sung tiah Sagaing Pengkomh PDF nih cathanh an chuah.

SAC ralkap nih an kah hna ruang ah Sagaing pengkomh B03 in S.B.C A Zay, Company Commander Lin Yaung, Platoon Commander Toe Gyi, Nga Ye, San Wa, Nan Gyi, Tae Zar, Soe Gyi, Ye Zaw hna an nunak a liam i Sagaing pengkomh B01 in hriamtlai 5 zong an nunnak a liam ve tiah theih a si.

About The Author

Na ruahning rak langhter ve.. (Leave a comment)