Hpakan Min Cimh Ruang Ah Minung 796 An Nunnak Liam, 47 Hliamhma An Pu
Salai Mangpau| 2023 August 16 — Kachin ramkulh, Hpakan peng, Hpakan lunghring cawhnak vawlei a cimh ruang ah mimung 796 an nunnak a liam, 47 hliamhma an put nak kong cu Kachin Waves News le BBC thawng langhter mi chung in theih a si.
Hpakhan lunghring cawhnak vawlei a cimhnak hi voi 17 a si cang. Mah chung in minung 796 an thi, 47 hliamhma an pu tiah Kachin Waves nih a tarlangh.
Atu cazin hi 2015 in 2023 August 15 tiang Kum (8) chung Hpakan lunghring cawhnak ah a thi mi cazin an si.
2023 kum Hpakan lunghring vawlei a hnu cem a cimhnak hi August 13, Ooru Saihmaw khua um mi Lucky One company nih lunghring an rak cawhnak hmunṭhing ah lunghring a kawltu minung tampi cu vawlei nih a cimhhnawh hna. August 15, zaanlei tiang ah bawmchantu phu hna nih ruak 25 tluk an lak khawh hna hnu nihin August 16, zinglei tiang ah ruak 7 an hmuh ṭhan caah a dihlak hi ruak 32 an hmuh cang hna.
About The Author
