Hpakan Min Cimhnak Ruang Ah Minung 40 A Tlau Mi Chung In Ruak 25 Hrawng An Char
The Chinland Post | 2023 August 16 — Kachin ram, Hpakan peng, Mana khua pawng ah a um mi lungvar cawhnak hmun a cimh caah minung 40 leng an tlau i August 14 tiang ah ruak 25 nak tlawn lo an char khawh tiah theih a si.
Min a cimh hnu ni 2 a rauh ah nawncek ti chung in ruak cheukhat an rak vuanh hi a si.
Nikhat chung bawmhchannak le kawlnak an tuah i zaanlei sml 5:00pm tiang ah pa ruak 25 an hmuh tiah theih a si.
Cu ruak 25 chung ah 5 hi cu an chungkhar theih an si lo tiah People’s Spring nih a langhter.
Min cimhnak hi a luancia August 13 zaanlei sml 3:00pm hrawng ah a si.
Min cimhnak vawlei le nawncek chung ah ti ṭawl lo lungvar a kawl mi 37 an i tel tiah bawmchantu hna nih cazin an lak khawh.
About The Author
