May 28, 2024

Hriamtlaih In Dohthlennak Ka Tuah Caah MP Sinak Cu Phunning Tein Ka Chuah Tak Tiah Pindaya peng NLD MP U Tun Tun Naing Nih Cathanh A Chuah

0

The Chinland Post | February 5, 2024 — Shan ram thlanglei, Danu Self-Administered Zone- ဓနု ကိုယ်ပိုင်အုပ်ချုပ်ခွင့်ရ ဒေသ ram chung um Pindaya peng nitlak lei Taungshawbuthu khua um, 2020 kum democracy thimnak ah teinak a hmutu NLD member of Parliament- Pyituhhluttaw MP sinak in ka chuak tiah U Tun Tun Naing cathanh a chuah.

January 31 ni cathanhnak ah 2020 kum zauk phung thimnak ah teinak co in Pyithut hluttaw MP sinak cu ka chuah tak cang caah vote-me a ka pe tu upatnak he khua mi vialte sin ah thawngthanhnak ka tuah tiah social media in thawngthanhnak a tuah.

MP pakhat dirhmun in mipi caah zeihmah ka tuah khawh mi a um lo caah mipi pakhat dirhmun in mipi he  dohthlennak ah meithal tlaih in dohthlennak ka tuah caah MP sinak in ka chuah hi a si tiah a chim.

“MP sinak ka chuaktak hi hluttaw palai pakhat dirhmun in kum 3 lamthluam ah mipi caah riantuan khawh mi ka ngei lo, MP dirhmun in mipi caah zeihmah ka tuah khawh mi a um lo caah MP palai dirhmun-sinak in ka um zuam ti lo, hriamnam tlaih in mipi ralkap he dohthlennak ka tuah duh ruang ah ka chuah hi a si ko” tiah MP U Tun Tun Naing an chim chap.

NLD palai MP U Tun Tun Naing hi Danuh ram DPLF ah Chairman a tuan lio mi a si i TNLA, MMDAA, AA ralkap phu he tangti in SAC ralkap cu a doh lio tiah theih a si.

Pyine hluttaw MP U Tun Tun Naing a inn le a far nu inn cu Pindaya peng ah SAC nih an rak hremkhar piak cang tiah theih a si.

 

About The Author

Na ruahning rak langhter ve.. (Leave a comment)