Yesagyo Peng Kyu Khua Ah SAC Ralkap Nih Meikhanghnak Ah Upa Tar 2 An Thi, Inn 300 Vutcam Ah An Cang Dih
The Chinland Post | January 29, 2024 – Magwe ramthen, Yesagyo peng Kyu khua ah SAC ralkap nih January 28 ah mei an khangh i upa tar 2 le inn 300 khua cu a ciam dih tiah Khuachung mi nih Yangon Khit Thit ah an chim.
January 28 zaan ah Yesagyo peng, Kyu khua pawng um Sinmaye khua ah SAC ralkap le mipi ralkap kahdohnak a chuak, mah hnu zaanlei sml 4:30pm ah ralhrang nih kahdohnak Sinmaye khua pawng um Kyu khua cu mei an khangh ruang ah khua chung um inn dihlak 300 cu a ciam dih.
Kyu kha mei khanghnak ah upa tar minung 2 cu mei kangh lio ah an tli/ zaam khawh lo caah a kangh chih hna.
Nihin tiang Myanmar ram pumpi ah SAC nih mei khanghmi hi 2021- 2023 kum tiang ah inn 80,000 leng an si. Sagaing ramthen ah inn 60,000 leng, Magwe ramthen ah inn 12,000 leng le hmunkip pengkip ah khuachung inn pawl mei an khangh tiah theih a si.
About The Author
