Rih Hlei Tang Motor Lam An Phih Ruang Ah Kunti Chawlettu Hna Harnak An Tong

Salai Biak| 2018 March 29|ย Chin ramkulh, Falam peng Rihkhawdar khua Rih hlei tang motor lam cu March thla zarhhnihnak in khan an phih ruang ah Kunti chawlehthalnak lei riantuantu vialte harnak an tong tiah kan theih.

India-Myanmar pehtlaihnak Rih hlei tang motor lam a pih caah India ram nih caan saupi hlei kilven ding ti in motor pakhat ah kunti tun 40 lawng phorh khawh ding in rih an khiah.

“Atu ah kan duhmi cu ramkulh cozah nih motor lam hunpiak hi a si ko. An rak hun zungzal ko. Cun, hlei tang kan kalmi zong hi ramhnih cozah nawlngeitu pawl tangka kan pek ko hna. Kanmah nih kan i ruahchanmi hlei tang in kal khawh caan zong hi atu bantuk thal caan lawng a siโ€ tiah Rihkhawdar kunti lei riantuannak bu haotu chang Pu Lal Hrin Mang nih a chim.

Ramri hlei tang motor lam cu 2016 kum in kal hram kan i thawk i nikhat ah kunti tun 10,000 in 15,000 kar hrawng kan kuat khawh. Atu bantuk motor pakhat ah tun 40 lawng hlei cung in phorhnak nawl an kan pek caah nikhat ah tun 6000 in 7000 kar lawng kan kuat khawh cang tiah a chimchih.

“Chawletthal si hna seh, motor mongtu si hna seh, riantuantu kan zapi harnak kan tong. Thil zuarmi he motor mongtu he rian tuantu kan dihlak in harnak kan tong. Thal caan te lawng kan ruahchanmi hmanh phih le hun in rikhiahpiak kan si. Cu tikah kan thil vialte cu kodawng chung lawng ah kan chiah dih. Cu ruang ahcun kan chawlehthalmi a kal nuar tuk. Cu ruang ah kan i ruahning tluk in kan lamtluang lo, kan hlawhtling kho loโ€ tiah Kalay-India ramri motor mongtu Ko Ngyo Chaw nih a chim.

Atu ah kunti kuatphorhnak lei riantuantu 30 hrawng kan si i Rihkhawdar ramri in India ram tiang kuatmi kunti a tam deuh cu Myanmar, Indonesia le Thai ram in a chuakmi an si.

Ref: Khonumthung, Zalen Thuthang

Na ruahning rak langhter ve.. (Leave a comment)

%d bloggers like this: