Vok Zawknak A Chuah Ruangah Mizoram Ah Kawlram Vok Luhpi An Khamh

Salai Biak| 2018 March 29|ย Chin ramkulh he ramri aa pehmi Mizoram chung ah Procaine Reproductive & Respiratory Syndrome (PRRS) tiah auhmi vok zawknak a chuah than ruang ah Myanmar ram leikap in Mizoram ah caankarlak chung vok luhpi an khamh tiah kan theih.

Mizoram Serchip pengkomh biacaih bawi Sangchhin Chinzah nih tulio vok PRRS zawknak a karh caah Section 144 CrPc ning in Serchhip pengkomh chung ramdang vok pawl, abik in Kawlram lei in rak luhpi mi vok pawl luhter lo ding in nawl an chuah tiah Mizoram nitin chuak The Aizawl Post thanhca nih a thanh.

India le Kawlram ramri Mizoram Champhai pengkomh zong ah PRRS vok zawknak a karh ruangah mizapi ralrin peknak an tuah.

PRRS timi vok zawknak hi Mizoram chungah atu liklek a chuak i hiti zawtnak a chuahnak a ruang cu Kawlram in an rak luhpimi vok ruang ah a si ti an ruah. 2013 le 2016 kum lio ah atu bantuk vok zawtnak ruang ah vok 8505 an rak thi tiah theih a si.

Ref: Khonumthung News

Na ruahning rak langhter ve.. (Leave a comment)

%d bloggers like this: