Insein Zungkip Fonh Chung Le North Dagon Ah Bomb A Puah Hnu In Yangon Khuachung Michecknak A Tam
The Chinlandpost | October 26, 2023 — Yangon, October 25 zaanlei ah Insein peng, zungkip fonh zunghmun chung ah bomb a puah hnu ah, North Dagon zong ah bom a puak than tiah Yangon tualchung a um mipi cheukhat sin in theih a si.
October 25, zaanlei 5:00pm hrawng ah Insein peng, zungkip fonh umnak zung ah bom a puah mi ah hliam a tuar mi an um: SAC ralkap nih zaanlei 5:30pm hrawng in zaan 9:00pm tiang Insein peng hmun kip ah ralkap nih mi cheknak an tuah, khualtlung cazin cheknak zong an tuah colh tiah Eagles News nih a chim.
Cun, October 25 zaan 7:40pm ah North Dagon zong ah bom a puah ṭhan caah Yangon khua hmun kip ah ralkap security a lak mi an tam.
Hmawbi lei zong ah October 22 zaan ah Hmawbi vanlawng ralkap umnak ah bom a puah hnu in khualtlung cazin checknak an tuah i, innhmun dum chung tiang an zoh dih. Khual cazin an cheknak ah khualtlung nih sang khuabawi sin min cazin a pe lo mi cu thonginn ah an khumh colh hna nih Hmawbi peng Wapanet khua mi nih Khit Tit Media nih a langhter.
About The Author
