Jack Ma Cu A Hodah Si?
Chin Digest| Vol.3, No.5| Jack Ma cu maivan (internet) hmang in thil cawkzuarnak a tuah i teinak nganbik a hmu mi, Alibaba Company dirhtu asi. A com-pany cu $ 20000 in dirh hram a rak thawk. Alipay ti mi hi an company a tengnge pakhat a si ve. Tuluk ram ah $ 33.6 Billion (The Fa-mous People, 2017) phung ning tein a ngei i a rum bik mi pa a si. Alibaba le Jackma cu Tuluk ram chung lawng ah theih mi a si lo. Alibaba min cu Facebook nakin zapi nih theih deuh mi asi leng ah eBay le Amazon nakin thil an zuarzamh ning a tha deuh.
Jack Ma Cu Zeibantuk Chungkhar Indah Arat? Mirum Maw? Sifak In Dah?
Jack Ma cu Hangzhou, Chinna ah a chuak. Tuluk nih communist an rak hman kaa te ahkhan a chuak i a upa le a naunu cu amah nih a zohkhenh hna. A nu le a pa hi zuun hla le tuanbia a uar ngai mi an si. Hi lio ah hin an fa le sianginn kainak zong an zoh kho hna lo. A si fak ngaingai mi chungkhar an si.
1972 kum ah US Hoatu thing, Richard Nixon cu Hangzhou khua ah khualtlawng/mileng an karh khawh nakhnga a van ra. Jackma cu a ngakchiat lio tein mirang ca thiam a rak duh tuk. Zinglei a caan tam bik cu cycle in pangpar dum lei ah kal in foreigner pawl kha a man lak lo in mirang holh cawn duh ah lam a va hmuhsak tawn hna. Cu hnu ah, mi-rang nu he voi khat cu an i tong i a min auh a rak hartuk ruangah “Jack” tiah a rak auh i a hman beh. Mirang ca in boih a lak khawh hnu ah, Hangzhou Dianzi University ah mirang cachim rian a tuan. A thlahlawh hi 12 dollars in a rak thawk.
A Nun Lam Thluan Hun Bih Ta Hna Usih
Sianginn kai lio ah cathiam a rak si maw? Voi zeizat dah a sungh?
1. Siangniamrun a rak kai lio ah voihnih a rak sung.
2. Sianglairun a rak kal lio ah voithum a rak sung.
3. Siangsangrun a dih hnu i Sianghleirun luhnak (entrance) voi thum a rak sung. A donghnak ah Tuluk ram i Hangzhou Normal University ah rak kai kho.
4. Harvard University ah peh ding in voi hra a rak phi i a voi hra ning in a sung i a peh kho thai lo.
Rian a sok lio ah a ngah colh maw? Voi zeizat dah an cohlan lo?
Sianghleirun a dih hnu ah voi 30 rian a rak sok i a sung. Biahalnak an tuahnak ah a sungh mi lak i aa chinchiah mi chungn in a chim than mi cu “Tuluk ram i KFC (Kentucky Fried Chicken) a rak phanh kaa te ah minung 24 rian kan rak sok. Minung 23 an rak cohlan hna. Cu lak ah keimah te lawng a rak ngah lo mi ka si,” tiah a ti.
Cun, a peh than mi cu “Palek zung ah minung 5 rian kan rak sok hoi i, keimah te lawng a ngah lo mi ka rak si. An rak ka leh mi cu “na thiam lo tuk” an rak ka ti. Hi vialte a sunghnak kong he pehtlai in biahalnak tampi an tuah. A leh mi hna cu “Na thiam lo tiah rak cohlan lo hi sungh a rak si lo,” tiah a leh hna. “A ruang cu kan rak thiam fom lo cu teh,” tiah a peh chap.
Alibaba Dirhtu Jack Ma, Lamthluan Ah Thil Panga Cawn Awk
1. Ruat ta hmasa law, tinh mi ngei
Tu ni teinak kan hmuh mi hi tu ni ah rian nganpi kan tuah khawh ruang ah a si lo. A hlan lio kum 15 i kan chunmang a tlin tu khi a si.
2. Tangka hi nuamhnak a si lo, tuanvo a kan petu a si
“Boih ka lak khawh kaa i ka thlahlawh cu 20 dollars a si. Ka rak i lunghmuih taktak” tiah Mirang ca a rak chimhnak college ah a chim. “Million pakhat dollar na ngeih lio caan khi, mi vantha na si lio a si. 10 million dollars na ngeih ahcun, harnak tampi na ton lai i na lung an tuaitamtuk lai. Billion pakhatnak tam deuh na ngeih ahcun, ttanvo ka ngei cang tiah na ruah lai. A ruang cu mizapi nih an in zumh ruang ah a si. Mizapi zumhnak in hmuh mi tangka cu mi dang nakin sullam ngei deuh in hman a herh.
3. Teinak hmuh nakding ah inn chungkhar rak rum hi a herh lem lo
“Kan mah hi a rum mi nu le pa, pi le pu, nawl a ngei mi ni le tang a ngei mi kan si lo,” tiah Alibaba an rak dirh kaa te ah a rak chim. “Pakhat te kan ngeih mi cu thil a kan cawtu hi an si. Anmah nih thazaang an kan pek lai” tiah a rak peh.
5. Ruah lo pi in thil a cang kho ti kha i ruahchan
“Life is like a box of chocolates” zukcawl chung in hi biathup hi a cawn mi si. “A ruang cu mah thil hi ka ngah bak ko lai tiah na thei kho lo,” tiah a ti.
4. Vawlei thlen na duh ahcun mino sin ah thlaici tuh
“Teinak a hmu mi si na duh ahcun biathli kan chimh lai,” tiah a chim. “Mino kha bawm hna. Mi fa tete kha bawm hna. A ruang cu a fa mi mino kha an lian te lai. Mino hna lungth-in cung ah na cin mi thlaici a nun si ahcun, an upat tik ah vawlei an thlen te lai” tiah a peh.
Jack Ma nun lamthluan hun zawt tik ah todelh mi le tinh mi, thil hi a tha leikap in zohnak lungput le teirialnak lungput a ngeih leng ah zeitik hmanh ah fawi tein a sung pe bal lo. Teinak hmu hnakding ah fiang ngai in a lang mi pakhat cu hawi he ilo lo ding in khuaruat, a cawlcang i a tuanchuah. Sunghzathlaknak horkuang chung in teinak tlang a van chuaher-tu pakhat cu Tuluk nih kan zuamcawh mi US he aa lo lo ding in khuaruahnak kan ngei lai tiah Alibaba an rak dirh kaa te ah a rak chim. Cu ruahnak (idea) cu duhsah tein vawlei a cul ziahmah. Nihin ah cun Jack Ma le Alibaba Company cu vawleipi a laifang ah mizapi nih zumh mi le upat mi dirhmun ah hmaihngal ngai in a kal cuahmah lio a si.
Source: www.thefamouspeople.com, The Inspirational Story of Alibaba Founder by Srikanth, 5 Life Lessons From Alibaba Founder Jack Ma by Jack Linshi
Catialtu Salai Uk Nun Bawi cu atulio ah Yangon University ah Zoology Major in Ph.D a kai cuahmah lio mi a si. Fidi Foundation/The Chinland Post chungtel zong a si.
About The Author
