Kachin Ramkulh Phakanh Ah Tilian Le Leimin Nakin Ruak 5 Hmuh Than
TCP-Online| 2018 June 30| Kachin ramkulh Phakanh ah tukahrawng ruahsuar ruang ah tilian le leimin pawl an tam i June thla zarh dongh ah mi ruak 5 hmuh than an si tiah Phakanh peng kokek humhimnaklei tuanvo latu hna nih an chim.
Ruak an char hmuhmi pa 5 hna cu Phakanh peng Seihhmu khuate ah June 25 ni khan an charmi a si. Cu bantuk thiam cun June 26 ni zong ah ruak pakhat le June 27 ni zong ah ruak pahnih hmuh a si ti Phakanh peng kokek humhimnaklei tuanvo latu hna nih an chim.
June 22 ni khan Kachin ramkulh Phakanh peng cu ruah suar peng caah tilian le vawlei min nakin a thimi ruak 8 char a si cang i minung 3 zong fak ngai in hliamhma an pu tiah Phakanh peng NLD chungtuan U Kaung San nih a chim.
Tubantuk tilian le vawlei min nakin inn 7 tluk vawlei nih a cimh chih cang i Phakanh le Hmawsi pehtlainak hlei a rawh pinah thingkung le electric tung tampi zong an pur hna ti theih a si.
Ref: The Voice