Kahdohnak Ruang Ah Ramri An Rak Lonh Ahcun Kan Doh Ve Hna Lai Tiah UWSA Nih A Thanh
The Chinland Post | 2023 November 1 — Kokang hmunhma kahdohnak pawl he pehtlai in vanlei in siseh, vawlei lei in ramri rak lonh i kan ramri chung an rak luh ahcun kan lehrulh ve hna lai tiah ‘Wa’ ralkap UWSP/UWSA nih a thanh.
UWSP/UWSA nih kapṭanhnak zeihmanh kan ngei lo i Kokang kahdohnak chung ah aa tel mi phu vialte nih kahdoh a daih zokzok khawh nakhnga biaruahnak ngei zok uh tiah forhfialnak zong a thanh fawn.
UWSP hmunnhma chung himnak, mipi innlo himnak cu a ṭha bik in kan kilven lai i UWSP hnunhma chung ah ralzaam dirhmun in a rak phan mi pawl zong hmunhma peknak le bawmhnak ṭha tein kan tawlrel piak hna lai tiah a thanh.
Operation 1027 an thawk ni bak ah, Shwechinhaw an lak i khuami tampi cu UWSP hmunhma a si mi Nan khua chung ah a zaam mi minung thong 5 hrawng an um tiah theih a si.
About The Author
