SAC Lei Tang Pyituhsit Pawl MNDAA Sin Ah A Sungpek In Hriamnam He An Rak Lut
The Chinlandpost| November 1, 2023 — SAC kuttang um Kokang khua um pyituhsit minung 15 cu a sungpek in MNDAA ah hriamnam meithal zuun 16 he an rak lut tiah theih a si.
MNDAA lei biachimnak nawl ngei Ly Kyarwen nih, “mah operation 1027 kahdohnak ni 5 a rau hnu ah SAC lei battalion a ningpi a sungpek in a rak lut mi ralkap an um bantuk in Pyituhsit lei zong a sungpek in a lut mi zong an um. Kanmah MNDAA lei nih SAC ralkap le pyituhsit pawl a sungpek in an rak lut ding in cathanh chuah a si” tiah a chim.
October 30 ni, Khun Lung peng thlanglei um, Ka Maing hrambunh battalion 143 bu ralkap minung 41 nih unau hawikom phu 3 sin ah hriamnam he an rak luh, ralkap 41 ah Second-in- Command 1 telh in rawlbawi တပ်ခွဲမှူး (Company Commander 2) zong an i tel. MNDAA sin a rak lut mi mi SAC ralkap 41 cu minung pakhat ah umkalnak tangka kyat sing 15 cio in sing 700 leng an pek hna. Nihin SAC hi battalion pakhat ah ralkap minung 100 hrawng lawng an tang cang. Mah lak ah battalion a chuahtak mi, nifa tein a tli mi le a thi mi an um peng tiah kokang MNDAA nih cathanh a chuah.
About The Author
