Kalay Ah Chin Miphun Funtomnak Forum An Tuah Lai
Vahui |2018 July 23| Sagaing ramthen Kalay peng chung um Chin miphun tengnge pawl i funtom khawh deuh nak ding Chin Unity Forum cu aralaimi July 28 ah an tuah lai tiah kan thieh.
Chin miphun tengnge pawl i funtomnak forum cu Tahan Mission sang MYA Chapel ah an tuah lai i India ram Mizoram ramkulh Zoram Nationalist Party Chairman Pu Lalduhawma hi khual ah sawn a si taih Chin Unity Forum tawreltu committee Chairman Pu Bawlliana nih a chim.
“Kanmah Chin miphun tengnge pawl hi kanmah te cio in kan um hna. Asinain hi bantuk i funtomnak forum phun hi voikhat hmanh kan ngei kho bal lo. Cu ruang ah atu bantuk in forum tuahding in kan tawlrel hi a si. A biapi in hmailei ah lungrualte le i funtomnak ngei bu te in zeitindah karhlannak kan ngeih lai timi tutan forum ah kan i ceihmai lai” tiah Pu Bawlliana nih a chim.
Atu an tuah dingmi Forum hi Kalay ah Chin miphun hna kar i avoikhatnak bik forum a si lai. A biapi in Kalay peng ah khua a sami Chin miphun tengnge pawl i lungkhahnak le i funtomnak hmuitinh in tuahdingmi a si tiah kan theih.
Photo: Hi hmanthlak kan taarmi cu aa tlak remnak in CFB nih nih avoi 3nak lio Thopuai an tuah liomi hmanthlak a si.
Ref: Khonumthung
About The Author
