May 21, 2024

Kalay Ah Hlasak Zuamnak Idol An Tuah Lai; I Zuam Cio Khawh A Si

0

Vahui | 2018 July 20 | 2018 Kalay-Tahan sang ah Zofa Musician Association (ZMA) le Sevent Cable Network (SCN) i bawm in hlasak zuamnak (ZMA Idol 2018) an tuah lai tiah kan theih.

August 1 in October 11 tiang tuahding mi Idol thimnak ah kum 16 tling cang mi Chin miphun dihlak i zuam khawh a si i VCD, DVD Hlaphel aa chuah bal cang mi cu zuam khawh a si lai lo.

Hi zuamnak ah hin Pathian hla, lovesong, ramhla mah le duhmi paoh mah le khua/miphun tengnge holh cio in hlasak rak i zuam khawh a si. Top 10 tiang ah SCN TV Channel in zoh khawh a si lai pin ah English le Myanmar hla fungkhat cio zong in zuamnak a um lai.

ZMA in tuanvo ngeitu a simi minthang hlasak thiam Pu Lalnunsanga nih, “kanmah mino pawl chungin quality thami tampi an um, asinain thazaang peknak lei tha a der caah rampi huap tiang minthan nak ding lam aum lo. Cucaah kanmah lei in quality tha mi mino pawl hi chuahter dingah tu bantuk in zuamnak ngeih ding timhtuahmi hi asi.

Hi Idol zuamnak ah hin pakhatnak laksawng tangka Sing 8, pahnihnak laksawng Sing 4, pathumnak Sing 2 pinah Trophy le Certificate phunphun pek an si lai. Top 10 tiang a phan khomi paoh cu Consolation Prize (Hnemhnak laksawng) a phunphun pek an si lai.

ZMA Idol 2018 ah a zuam dingmi tam le tlawn kongah Elimination Round (aw fingrilh rilhnak) cu Tahan Lehpiankyaw le Kanan khua ah va kal in thimnak ngeih a si lai taih kan theih.

Aa zuam dingmi nih Applicaton Form cu tangka 5000 in Pu Lalnunsanga, Pu B. Hrangthana, Tv. Dr. Muansanga, SCN Main Office Tahan “G” Sang ah laak khawh a si, July 26 hnu bik ah form ap dih a si lai.
Ref: Khonumthung news

About The Author

Na ruahning rak langhter ve.. (Leave a comment)

%d bloggers like this: