Chin Ramkulh Nau Pawimi Thlakhat Ks. 15,000 In Kumkhat Chung Bawmhnak An Pek Cang Hna

Salai Cung Cung | 2018 July 11| Chin ramkulh nu nau pawimi paoh thlakhat ks. 15,000 in kumkhat chung bawmhnak an pek cang hna. Hi bawmhnak cu thlahnih ah voikhat in pek an si. Chin ramkulh pengkip bawmhnak pekmi lakah Paletwa peng an tambik tiah theih a si.

“Hi bawmhnak kan tuah cu 2017 June thla in kan thawk i nu naupuai pawl bawmhnak kan pek hna. Nu naupuai pawl hi thlakhat ah 15,000 in thlahnih voikhat kan pek hna. Hi bawmhnak cu cozah lei si lo in LIFT nih bawmhnak pek mi asi. LIFT nih hin kum 2 ca 2.5 billion bawmhnak pek ding hnatlaknak an kan ngeih. Hi kum hnih a dih hnu in cun cozah lei tangka in hi bawmhnak cu kan peh zulh peng rih ko lai” tiah Director U Aye Min Nyunt nih The Chin land Post ah a chim.

Chin ramkulh pengkip nu naupuai bawmhnak pek cangmi cazin cu;

  1. Hakha peng ah avoi 1nak 762, avoi 2nak 1049, avoi 3nak 1151, avoi 4nak 1341, avoi 5nak 1728, avoi 6nak 1869 tiang pek an si cang.
  2. Thlantlang peng ah avoi 1nak 862, avoi 2nak 1043, avoi 3nak 1277, avoi 4nak 1414, avoi 5nak 1987, avoi 6nak 1925.
  3. Falam peng ah avoi 1nak 850, avoi 2nak 889, avoi 3nak 1070, avoi 4nak 1207, avoi 5nak 1493, avoi 6nak 1748.
  4. Tedim peng ah avoi 1nak 1438, avoi 2nak 1913, avoi 3nak 2644, avoi 4nak 2560, avoi 5nak 1907, avoi 6nak 3261.
  5. Tonzang peng ah avoi 1nak 721, avoi 2nak 136, avoi 3nak 1111, avoi 4nak 1217, avoi 5nak 1530, avoi 6nak 1548.
  6. Mindat peng ah avoi 1nak 688, avoi 2nak 1058, avoi 3nak 1023, avoi 4nak 1138, avoi 5nak 1658, avoi 6nak 1931.
  7. Kanpetlet peng ah avoi 1nak 498, avoi 2nak 581, avoi 3nak 682, avoi 4nak 786, avoi 5nak 915, avoi 6nak 2431.
  8. Matupi peng ah avoi 1nak 806, avoi 2nak 1058, avoi 3nak 1426, avoi 4nak 1472, avoi 5nak 1921, avoi 6nak 4716.
  9. Paletwa peng ah avoi 1nak 1991, avoi 2nak 2408, avoi 3nak 2999, avoi 4nak 3279, avoi 5nak 4171, avoi 6nak 4716.

Avoi 1nak cu June le July, avoi 2nak cu August le September, avoi 3nak October le November, avoi 4nak December le January, avoi 5nak February le Mach, avoi 6nak April le May ah bawmhnak pek an si. +++

Na ruahning rak langhter ve.. (Leave a comment)

%d bloggers like this: