Kalay University Ah Sianginn An Kai Mi 1,000 Hrawng An Si
Salai Mangpau | June 29, 2023 — Kalay University ah Major 12 a um le sianghngakchia a kai mi 1,000 hrawng an kai ko tiah University zunguk riantuan Lai Buai Uk(Mara miphun) nih a chim.
Major 12 chung ah Art Major 6 le Since Major 6 a um le class pakhat cio sianginn a kai mi sianghngakchia hi buaktlak in mi 7 hrawng an kai le B.A, B.Sc in M.A, M.Sc le Research a cawng mi hna an si.
CDM a tuah lo mi History Professor Dr. Khan Linn nih a chim mi ah “CDM a tuah mi cu mirum nan si caah CDM nan tuah” tiah min chim duh lo mi saya sin in thawng kan theih. Dr. Khan Linn hi CDM a tuah lo mi a si caah a rank a kai fawi le Lecture a ṭuan lio 2021 rian buai lio in CDM a tuah lo caah rank a kai fawi le kum 2 chung ah Professor a hmu mi a si. University Saya te chung in Chin Miphun 10 nih CDM an tuah lo tiah thawng kan theih.
Tu lio Kalay University ah sianginn a kai mi hi SAC ralhrang fa le USDP fale deuh an si. Chin mi a tam deuh hi fimnak nan cawm duh lo caah sianginnn nan kai duh lo tiah CDM a tuah lo mi Chin Saya pakhat nih a chim tiah thawng kan theih.
2021 kum SAC nih Uknak a lak hnu in Kalay University ah Tuitor rian a ṭuan thar mi saya 70 hrawng an si. Mah saya hna hi M.A or M.Sc hmanh a lim lo mi sianghngakchia tampi nih rian an ṭuan tiah thawng kan theih. Kalay University pawngkam ah High School cu sianginn a thar an dirh le a pawngkam khua pawl Khaikam, Tharyar, le CDM a tuah lo mi University saya fa pawl nih sianginn an kai. Sianginn kai mi Security ah SAC ralhrang nih Tharyar khua le Kalay University gate hrang in Security an lak piak hna hlei ah nitlak lei Chinram Khaikam Police station pawng le University chung vialte ah SAC ralhrang nih hmunkhat ah ralkap 7 hrawng in security an lak piak hna tiah thawng kan theih.
About The Author
