June 21, 2024

Wetlet Peng, Yuathagyi Kahdohnak Ah SAC Ralkap 12 An Thi, PDF Hruaitu 1 A Nunnak Liam Ve

0

The Chinland Post | 2023 June 29 — Sagaing ramṭhen, Wetlet peng, Yuathargyi hmunhma chung ah a um mi mipi inn pawl a khanghtu SAC ralkap pawl an kah hna i SAC ralkap 12 an thi, LPDF hruaitu Ko Thant zong a nunnak a liam ve tiah Thidishin PDF phu sin in thawng theih a si.

June 23 chun sml 12:15pm hrawng ah thazang 200 hrawng SAC ralkap pawl cu Wetlet peng, Yuathargyi hmunhma, Shwebo-Mandalay lam ah a um mi khuate pawl an luh lio ah bomrap lung 6 phir in voi 2 an puah hna caah SAC ralkap 12 an thi, 5 nak tlawm lo an i hliam tiah theih a si.

Cun timhcia tein a bawmh mi PDF pawl nih mins 10 tluk an kah hna, SAC ralkap 10 nak tlawm lo an thi i SAC lei Sniper nih LPDF hruaitu Ko Thant a khen caah a nunnak a liam tiah theih a si.

Kahdohnak chung ah a sung tuk mi SAC ralkap pawl cu an kirlei ah timhcia tein an hmanh mi bomrap lung 16, lung 4 tual chung an phak ah an puah hnawh ṭhan hna i SAC ralkap 20 nak tlawm lo an i hliam. Cu bantuk in ralkap tampi hliam an tuar caah atutiang  Shwebo khuachung ah kir kho lo in Bonebwe khuate ah an i thlop hna tiah theih a si.

About The Author

Na ruahning rak langhter ve.. (Leave a comment)