Kalaymyo ah SAC ralkap nih kah ruangah mipi pakhat a thi
The Chinland Post | 2022 September 7 – Sagaing ramṭhen, Kalay peng, Myohla sang September 3 zaanlei ah mipi hriamtlai le SAC ralkap karlak ah kahdohnak a chuak i SAC ralkap nih hriamngan/hme an kah ruangah khuami pakhat a thi tiah theih a si.
A thimi hi Myohla sang ah a ummi kum 40 nu pakhat a si i adang khuami pakhat zong aa hliam tiah khuami pakhat nih RFA ah a chim.
Kahdohnak thawng theih lioah biakinn ah aa thup ko nain kuan nih a khen i a thi tiah a chim.
“Thlacamnak puai ah a um. Cu lioah kahdohnak thawng a thang i i thup cio le zaam cio a si. Amah cu biakinn chungah aa thup. SAC ralkap nih kahmi kuan nih a khen i a thi. Adang pakhat zong aa hliam” tiah a chim.
Tukar hrawng Kalaymyo ah bom puah thawng le hriamngan kah thawng atu le atu theih a si caah khuami hna thinphang in an um tiah theih a si.
About The Author
