Paletwa ralzaam pawl bomh ding in voi tampi kan i zuam tiah WFP nih a chim
The Chinland Post | 2022 September 7 – Chin ramkulh, Paletwa peng chungah ralzaam pawl bawmhnak pek khawhnak hnga himnak an rengh caah voi tampi kan i zuam tiah World Food Programme (WFP) nih September 7 ah a thanh.
WFP nih Paletwa hmunhma ralzaam 9,000 caah a luancia August thla hramthok ah eidin phun tampi 150 ton kuat khawh kan rak i zuam ko nain September thla lawngah a phan kho tiah a chim.
Paletwa peng chungah a cangmi kahdohnak ruangah thilri phorhnak lam pawl an phih caah dinei awk a dih i thil man a kai tuk tiah cathanh ah a langhter.
Atulio Paletwa peng ah ralzaam 20,000 leng an um i a tam deuh cu Paletwa khuapi le Samee khuapi hna ah an zaam bantuk in India, Mizoram lei zongah a zaammi an um tiah theih a si.
Himnak renghmi le thilri phorhnak lam pawl a phittu hi zeibantuk phu dah an si timi belte cu WFP nih fiang tein a langhter lo.
About The Author
