Kalaymyo Lai Seinno Phu Covid-19 Rai Runvennak Ah Volunteer Rian An Tuan

Salai Bawi Lian Sang|TCP-Kalay| October 4, 2020| Kalaymyo tu lio Covid-19 rai vennak caah Lai Seino phu nih October 2 ni  ah Nursing training School ah ruantuan an bawmh hna.Tu lio Kalaymyo Quarantine Center khuachung ah hmun (8) an um. Kalay Lai Seino phu nih University Kalay ah Quarantine, Siangsangrun no.(8) le Nursing tranining Center telh in hmun(3)  ah volunteer rian an a tuan cang tiah thawng kan theih.

Kalay Lai Seino phu hi a luan cia April thla Covid pulrai lio caan ah  Komaing(9)mile in Ngawngpitha tiang khua a si mi (Lai miphun) mi hna sin ah inn  kip te kal  in thawngzamhnak le tangka (fund)kawlnak rian an tuah cuahmah I nihin ni tiang Kyat 2,550,400 hlei an hmuh. Mah tangka chung in Kalaymyo peng uktu hna sin ah Kyat 500,000 an pek. Thilri in Pu Ni Lian Sang(Thitsao) nih PPE -5, Hmurhup(Masks) -100, MMK timi si pur pi -1(Biakinn kip si kah ding),Kuttawlnak –Hand gel a hang durpi-1 cu KLSP sin ah a hlut hna.

President Pu Sui Khar nih “KLSP ah hin sang (7) a huap in dirh mi a si. A bik in Lai miphun(Hakha-Thantlang-Matu-Mara-Senthang-Zotung le Zophei hi kan tam deuh I kan dih lak inn 3400 hrawng kan um lai. A tu lio Stay At home Sanmyo sang um Lai miphun a harsa deuhmi cu mah le khrihfabu nih bawmhnak an pek hna. A harsa deuh mi an um sual ah cun tiah Lai mino phu zong nihin Sanmyo sang ah kan vak. Ready in bawmhnak pek ding in timh tuah nak kan ngei ko.  Cun tu lio Covid pulrai a voihnihnak thlihrang ruang ah Kalaymyo Volunteer Organization kan dirh. Mah ah cun ZYA, Tahan Mino phu, Lai mino phu, Upper Chindwin Mino phu, Satawm Thalai, Sanmyo thalai le phu tampi komh in dirh mi a si” tiah TCP ah a chim.

Na ruahning rak langhter ve.. (Leave a comment)

%d bloggers like this: