Kalaymyo Peng Sai Khua Ah Meithal Hriamnan Tlai Damiah 5 Nih Nuhmei Nu Inn An luhhnawh I Tangka Sing 60 An Chuh
Salai Mangpau | September 5, 2023 — Kalaymyo peng Saikhua nuhmei nu inn ah damiah hmaikhup 5 nih meithal le nam keng in tangka sing 60 le phone an chuh hna tiah theih a si.
September 3 zaan sml 10:30pm ah hmaikhuh in meithal sau pakhat le nam keng in mizei a si tiah theih lomi pa 5 cu nuhmei nu inn ah lut in phone an lak. Innchung ah tangka an kawl. An hmuh lo caah meithal, nam in an tlerhkhonh hna. Inn ngeitu fa pa Singapore kalnak ah docuai mi tangka sing 60 an lak hnu ah an chuak. Mah damiah 5 hi nawncek a neh mi Commando kedenh an i danh tiah Zalen media nih a langhter.
Hlan lio ah Tahan sang, Kyouktungpin sang, Taupilasang, Aungtitsang ah damiah an rak um cang. Hlaingtayar mile 8 zong ah kan hnu ah inn 2 zong damiah nih an rak luh hnawh hna cang tiah theih a si.
About The Author
