Kyondoe Peng, Taunggyain Khua Ah Hmunhma A Khuar Mi SAC Ralkap An Kah Hna, Ralbawi Telh In 3 An Thi
The Chinland Post | 2023 September 15 — Karen ram, Kyondoe peng, Taunggyain khua ah hmunhma a khuar mi SAC ralkap pawl kahdohnak ah SAC ralbawi 1 telh in 3 an thi tiah KNU nih a thanh.
September 10 zinglei sml 8:10am hrawng ah Kyondoe peng, Taunggyain sizung le sianginn hna ah hmunhma a khuar mi SAC ralkap Brigade 44 kuttang LIB 546, LIB 230, LIB 208 phufonh pawl cu KNU Brigade 6, KNDO B06 le dothlennak phu pawl nih an kah hna.
Kahdohnak pawl chung ah SAC lei ralbawi 1 telh in 3 an thi, 8 an i hliam leng ah SAC ralkap mawṭaw 1 zong an hrawh khawh. Kahdohnak pawl chung ah SAC ralkap nih mipi umnak lei ah hriamngan an thlah caah mipi 1 aa hliam i minung 400 leng an zaam tiah theih a si.
About The Author
