Kalaymyo Taungphila Sang Hriamngan Bom Ruang Ah Nu Pakhat A Thi, Sianghngakchia Pakhat Hliam A Tuar
Salai Mangpau | July 11, 2023 |
July 11 zinglei 8:00am hrawng ah Sagaing ramthen, Kalaymyo sang pakhat a si mi Taungphila sang No. 14 sianginn pawngkam inn pakhat cung ah bomb ngan a tla i kum 50 nu pakhat a thi, Sianghngakchia pakhat hliam a pu tiah theih a si.
Taungphila No. 14 sianginn hi Bogyoke (main) lampi in lamhnih dannak hmun ah a um mi a si. Mah hriamngan bomb ruang ah kum 50 nu cu a thi. Hliam a tuar mi sianghngakchia tu kha sii-inn ah an kal pi. Cun Tahan Bazaar pawngkam Mah Mah Khin rawldawr pawng zong ah hriamngan bomb pakhat a tla tiah theih a si rih.
July zarhkhat, 2023 kum, Kalaymyo, Administration pawng zing 9:00 AM ah bomb pakhat a puak. Bomb puahnak hmun ah ralhrang an ra colh i a pawngkam inn mipi cu an tlaih hna. Kalaymyo Administration zung ah kal pi in suimilam 1 tluk bia an hal hna hnu ah an thlah ṭhan hna. Mah lio caan pawngkam inn ah minung an um lo nak inn pawl le inn aa hrengh/khar mi inn pawl cu ralhrang nih an bauh piak hna i innchung ah an mah duhsalam in an lut tiah khuami sin in thawngtheih a si.
About The Author
