Myaing Ah A Um Mi SAC Ralkap Gate An Kah Hna, 2 An Thi
The Chinland Post | 2023 July 11 — Magway ramṭhen, Myaing peng, Myaing khua ni chuahlei ah a um mi SAC ralkap gate an kah hna i SAC ralkap 2 an thi, 2 fak ngai in an i hliam tiah Myaing PDF nih cathanh an chuah.
July 8 chun sml 2:45pm hrawng ah cuka hmun SAC ralkap gate cu hriamngan le meithal in an kah hna caah SAC ralkap 2 an thi i SAC ralkap 1 le pyusawhtee 1 fak ngai in an i hliam, Myaing khua in mipi bawmnak mawṭaw nih a rak phorh hna tiah theih a si.
SAC ralkap pawl nih Myaing khua chuahnak Si-Man-King zung pawngkam an khangh i kahdohnak chung ah PDF chungtel 1 fak ngai in aa hliam tiah an thanh.
Myaing PDF B01, Royal Phoenix Task Force, Middle Revolution Task Force, Justice Revolution Team, Freedom Fighter hna baem in kahdohnak an tuah tiah theih a si.
About The Author
