Kalewa le Mingin Karlak Kahdohnak Ah SAC ralkap 15 Nak Tlawn Lo An Thi
The Chinland Post | 2023 June 29 — Sagaing ramṭhen, Kakewa le Mingin karlak ah kahdohnak a fak i SAC lei 15 nak tlawm lo an thi tiah Mingin peng PDF sin in thawng theih a si.
Kalewa le Mingin karlak hmunhma pakhat ah June 28 zinglei sml 8:00am in 11:00am tiang kahdohnak a chuak tiah theih a si.
Kahdohnak hi Kalay pengkomh PDF Battalion pawl hruainak in an tuah tiah theih a si.
A luancia June 16 hrawng ah Kalewa peng, Sakhangyi khua pawng ah SAC ralkap le palek 130 hrawng PDF pawl nih an kah hna i SAC lei 40 hrawng an thi tiah theih a si.
PDF pawl nih SAC mawṭaw 2 an hrawh khawh i MA-11 zuun 2, G-3 zuun 2, MA-11 kuanbawm 3, G-3 kuanbawm 6, MG 3 zuun 1, MA-7 60MM, 60MM bom pawl, RPG a par 5, Energa bom 5, 38 Webly Wesson-6 zuun 1, Jammer 1, M-14 bomrap 2, Grenade lung 30, kuan le adang kahdohnak thilri pawl an lak khawh tiah NUG MOD nih a thanh.
About The Author
