Loikaw ah eidin a phor mi SAC ralkap an kah hna i Captain telh in 3 an thi
![](https://i0.wp.com/thechinlandpost.info/wp-content/uploads/2022/11/KNDF-nih-SAC-ralkap-3-an-thah-hna_2022-Nov-14.jpg?fit=640%2C480&ssl=1)
The Chinland Post | 2022 November 14 – Loikaw peng ah eidin a phor mi SAC ralkap pawl an kah hna i Captain telh in 3 an thi i MA 1 zuun 1, kan ngah tiah KNDF nih an thanh.
Lawpiṭa bilu tiva pawng ah a um mi SAC ralkap sakhaan ah eidin phorh ding in mipi thuam he a rak chuak mi SAC ralkap 5 cu November 13 zaan sml 3:00 ah an kah hna i mins 10 chung hrawng kahdohnak ah Captain pakhat telh in pa 3 an thah hna tiah an langhter.
SAC ralkap pakhat nih aa tlaih mi MA-1 zuun 1, kuanbawm 4, kuan le phone 1 KNDF nih an lak tiah theih a si.
Kahdohnak chung ah KNDF hriamtlai pawl him tein an kir kho tiah i SAC ralkap 2 an luat manh tiah theih a si.