Kanbalu peng, Chatgyi khua ah a um mi SAC ralkap sakhaan PDF nih an lak
The Chinland Post | 2023 March 2 — Sagaing ramṭhen, Kanbalu peng, Chatgyi khua ah hmunhma a khuar mi SAC ralkap pawl cu March 1 ah PDF phu pawl nih an doh hna i sakhaan zong an lak beh tiah Kanbalu pengkomh PDF hriamtlai 1 nih People’s Spring thawngzamh ah a chim.
“Kanbalu pengkomh Battalion 2 le mipi runvengtu phu vialte fonh in Chatgyi khua ah sakhaan lak kahdohnak kan tuah. Teinak kan hmu. Vanlei in kahdohnak an tuah caah kan kir ṭhan” tiah a chim.
Kahdohnak chung in SAC ralkap a thi mi dirhmun belte a fiang in theih a si rih lo tiah an langhter.
Chatgyi khua hi Kanbalu peng chaklei ah a um mi a si i SAC ralkap nih Helicopter in kahdohnak a rak tuah tiah Infinity Group zong nih a langhter.
Kanbalu peng ah khuate pawl ah SAC ralkap pawl lut in mipi innan khangh lengmang caah cuka hmun hriamtlai phu he kahdohnak a chuak lengmang.
About The Author
