Kangyikone Pyusawhtee Khua Ah Hriam le Riahcaw A Phor Mi Tilawng 3 An Kah, 1 A Pil
The Chinland Post | 2023 June 30 — Sagaing ramṭhen, Chaung U peng, Kangyikone pyusawhtee khua ah riahcaw le hriam a phor mi SAC ralkap tilawng 3 cu an kah hna caah 1 a rawk i a pil tiah Monywa pengkomh B12, B03 nih cathanh an chuah.
June 28 chun sml 1:00pm hrawng ah Kangyikone pyusawhtee khua ah riahcaw le hriam phorh ding in a rak ra mi SAC ralkap tilawng 3 cu Chindwin tiva ah PDF phufonh pawl nih mins 30 tluk an kah hna caah SAC ralkap 5 an thi tiah an langhter.
SAC ralkap lei in 60MM, Machine Gun pawl in an kah len ve hna i khuate chung ah bom a tla i a puah caah tuu, meheh 7 an thi tiah an ṭial.
Kahdohnak a hramthawk lei ah PDF phu pawl nih an puah mi bomrap ruang ah SAC ralkap tilawng 1 Sinphyoshin hlei pawng ah a pil tiah theih a si.
Hliat Si Company, Nga Moe Yeik phu, Metauk Company le Yanshin PDF hna bawm in kahdohnak an tuah tiah theih a si.
About The Author
