Kanpetlet peng kahdohnak ah SAC ralkap 9 an thi
The Chinland Post | 2022 June 10 – Chin ramkulh, Paletwa peng, June 9 ah thazang 185 he kahdohnak a tuahmi SAC ralkap le CDF-Kanpetlet phufonh hna cu Latmon khuapawng ah kahdohnak voi 2 a chuak i SAC lei in 9 an thi tiah CDF-Kanpetlet nih thawng a thanh.
Cu SAC ralkap pawl cu CDF-Kanpetlet, The Youth Force (Saw, Kyaukhtu), PDF-Nyaung, PDF-Saw battalion 2 (YFPA) hna fonh in zinglei sml 10:00-11:00am tiang voikhat, zaanlei sml 5:00-6:00pm tiang voikhat tiah kahdohnak voihnih an kah hna i SAC ralkap 9 an thi i hliamhma a tuarmi zong an tam tiah theih a si.
Cu kahdohnak voihnih ah CDF-Kanpetlet phufonh hna lei nih hliamhma tuar lo tein an kir kho tiah theih a si.
SAC ralkap pawl nih Latmon khuami hna cu hostage caah an tlaih hna.
SAC ralkap pawl cu Latmon khua mipi zuatmi saṭil hna an thah i an ei lengah Latmon khua chaklei ah hmunhma an khuar caah kahdohnak a chuak kho rih tiah CDF-Kanpetlet nih thawng an thanh.
About The Author
