Kawlin Palek Sakhaan le GAD Zung PDF Phufonh Nih An Kah, Palek 2 An Thi
The Chinland Post | 2023 August 7 — Sagaing ramṭhen, Kawlin peng ah a um mi Kawlin Palek sakhaan le GAD zung cu PDF phufonh nih an kah hna i palek 2 an thi tiah Kawlin Revolution – KR nih a thanh.
August 5 zinglei sml 4:30am hrawng ah SAC ralkap pawl nih hmunhma an khuarnak Myoma palek sakhaan le GAD zung cu PDF phufonh pawl nih an kah hna i palek sakhaan chung ah a um mi palek bawi chang le palek nu an thi i adang aa hliam mi zong an um tiah KR nih a thanh.
Kahdohnak chung ah Kawlin pengkomh B01, B02, The Secret Warrior hna bawm in kahdohnak an tuah tiah theih a si.
About The Author
