Thah Ding Tiah Biakhiah Mi Dagon University Siahngakchia 7 Cu Nunchung Thongtlak Ding In Bia An Khiah Ṭhan Hna
The Chinland Post | 2023 August 7 — Dagon University siahngakchia a si mi Ko Khant Zin Win, Ko Thu Ya Maung Maung, Ko Thiha Thet Zaw, Ko Zaw Lin Naing, Ko Hein Htet, Ko Thet Paing le Ko Khant Lin Maung Maung hna cu August 1 ah thah ding tiah biakhiahnak in nunchung thlongtlak ding tiah biakhiahnak an thlenpiak hna tiah RFA nih a langhter.
Cu siahngakchia 7 hna hi 2022 November ni 30 ah Insein thonginn ah Article 302 (mithah ruang sualphawtnak) in thah ding tiah bia an rak khiah hna.
“August 7 ah Insein thonginn nih thah ding tiah biakhiahnak an rak tuah cang mi hna cu nunchung thongtlak ding tiah an thlenpiak hna. An 7 ning in Thayarwaddy thong ah an ṭhial hna” tiah Dagon University siahngakchia bu chungtel pakhat nih RFA ah a chim.
Atu siahngakchia pawl hi 2022 April 21 ah South Dagon peng Kabayadana bank Manager nan thah tiah taza an cuai rak cuai hna.
About The Author
